गाईबाट फैलियो नयाँ रोग

६ साउन २०७७ । गाईमा नयाँ किसिमको सङ्क्रामक रोगको प्रकोप बढ्दै गएको पशुरोग चिकित्सकले बताएका छन् । कुन रोग हो भन्ने अहिले सम्म पहिचान हुन नसकेकोले सीमावर्ती इलाकाका गाईहरू थला पर्न थालेका छन् ।मोरङमा करिब एक दर्जन सोही रोगबाट गाई मरेका छन् ।

रोग लागेपछि गाईले दुध दिन छोड्ने गरेको पशुरोग चिकित्सकले बताएका छन् । गाईको शरीरभरि घाउ हुने, घाउ फुटेर तरल पदार्थ बगिरहेने, गाईलाई उठ्न र बस्न समेत गाह्रो हुने, गाई छट्पटाउँने, धेरै ज्वरो आउने, गाईको खुट्टा सुन्निने जस्ता लक्षण देखा पर्ने गरेको छ । झापा, मोरङ, सुनसरी तथा सप्तरी जिल्लामा यो रोग फैलिएको पशुपन्छी अन्वेषण प्रयोगशाला विराटनगरले जनाएको छ।