गैंडाको चोरी शिकारकाेआरोप लागेर फरार प्रजा पक्राउ

काठमाडौं । नेपाल प्रहरीको केन्द्रीय अनुसन्धान ब्यूरो सीआईबीले संरक्षित वन्यजन्तु गैंडाको चोरी शिकारमा संलग्न रहेको आरोप लागेर फरार भएका चितवनस्थित कालिका नगरपालिका वडा नं.९, शक्तिखोरका ४१ वर्षे रामकुमार प्रजालाई पक्राउ गरेको छ ।

पक्राउ परेका प्रजा ठुलो कान्छा एवं सागर प्रजा भनिने विन्दर सिंह प्रजा समेत संलग्न भएको संरक्षित वन्यजन्तु गैंडा शिकार गरी त्यसको खाग (आखेटोपहार) राख्ने, खरिद र बिक्री तथा ओसारपसार गरेको मुद्दाका आरोपी हुन् । ब्यूरोका उपनिर्देशक श्यामकुमार महतोले आरोपी प्रजालाई मकवानपुरको हेटौंडाबाट पक्राउ गरेको र थप आवश्यक कारवाहीको लागि चितवन राष्ट्रिय निकुञ्ज कार्यालय चितवन पठाएको जानकारी दिए ।