- २५ फाल्गुन २०८२, सोमबार / Mar 9, 2026
१० असार २०७७ जुम्ला । कर्णाली स्वास्थ्य विज्ञान प्रतिष्ठान जुम्लामा कार्यरत चार जना स्वास्थ्यकर्मीलाई कोरोना संक्रमण देखिएपछि आकस्मिक बाहेकका सबै सेवा बन्द गरिएको छ । प्रतिष्ठानमा मंगलबार राति भएको पीसीआर परीक्षणमा स्वास्थ्यकर्मीलाई कोरोना संक्रमण पुष्टि भएको हो ।
कोरोना संक्रमण पुष्टि भएका स्वास्थ्यकर्मी क्वारेन्टाइ र आइसोलेसनमा रहका नागरिकको रेखदेखमा खटिएका थिए ।संक्रमण देखिएपछि प्रतिष्ठानमा कार्यरत सम्पूर्ण स्वास्थ्यकर्मी र अन्य कर्मचारीको पीसीआर परीक्षण गरिने प्रतिष्ठानका निर्देशक डाक्टर मंगल रावल कैलाश खबरलाई बताए ।
आकस्मिक बाहेकका सबै सेवा बन्द गरिएको जानकारी दिदै उनले अर्को सूचना जारी नभएसम्म नागरिकमा पर्न गएको असुविधा प्रति क्षेमा मागे ।
