‘टाढैबाट नमस्कार गरौं, हात नमिलाऔं’

काठमाडौं । विश्वभर कोरोना भाइरसको त्रास फैलिरहेका बेला घर, कार्यालय तथा स्कुलमा मास्क अनिवार्य गरिएको छ। संक्रमणको त्रासले एकअर्कालाई स्पर्श नगर्न र बिरामीबाट टाढै रहन सबैलाई सचेत रहन चिकित्सकले सल्लाह दिएका छन्।

हात मिलाउन नमिल्ने भन्दै चिकित्सकले आफन्त, साथीभाइ, सहकर्मीलाई भेट्दा अभिवादन गर्ने तर हात नमिलाउदा राम्रो हुने बताएका छन् । शरीर नजोडी टाढैबाट नमस्कार शैली अपनाउन आग्रह गरिएको छ । नेपाली समाजमा ज्यादै नजिकको सम्बन्ध हात मिलाउने चलन छ।