- १३ कार्तिक २०८३, शुक्रबार / Oct 30, 2026
भक्तपुर । भक्तपुर नगरपालिका वडा नं ८ ले डेंङ्गूविरुद्ध सचेतना र्याली प्रदर्शन गरेको छ । भनपा वडा नं ८ को आयोजनामा शनिबार उक्त र्याली निकालिएको हो ।
माइकिंग, पर्चा वितरण तथा बाजागाजाका साथ वडामा कार्यालय लिवाली भक्तपुरबाट सुरु भएको र्यालीले वडाका विभिन्न भागमा परिक्रमा गर्दै र्यालीले डेंङ्गूविरुद्ध सचेत रहन आह्वान गरेको थियो ।
डेंगु के हो ?
भाईरसद्धारा संक्रमित भएको एडिस एजिप्टाई जातको पोथी लामखुट्टेले यो रोग सार्छ । यो डेंगु भाइरसको संक्रमणले गर्दा लाग्ने रोग हो। यो भाइरस ४ प्रकारका हुन्छन्। डेंगु भाइरस १, २, ३ र ४ । एक खालको भाइरसको संक्रमणबाट यो रोग लागेपछि जीवनभरलाई त्यो भाइरसबाट सुरक्षा मिल्छ, अर्थात् एकपटकको संक्रमणपछि लाइफ लंग इम्युनिटि हुन्छ।
तर अन्य प्रकारका डेंगु भाइरसको संक्रमणबाट भने केहि समयलाई मात्र सुरक्षा हुन्छ र त्यो लागेपछि त्यसका जटिल समस्याहरु आउने सम्भावना बढेर जान्छ।
