तरुण दलको विरोध प्रदर्शन

काठमाडौं । नेपाली कांग्रेस निकट तरुण दलले विरोध प्रदर्शन गरेको छ ।

पार्टी सहमहामन्त्री महेन्द्र यादवमाथि भएको आक्रमणको विरोधमा तरुण दलले प्रदर्शन गरेको हो । कार्यक्रमबाट बाहिरिने क्रममा बुधबार खुकुरी प्रहार भएको थियो ।

उक्त घटनाको विरोधमा कांग्रेस भ्रातृ संस्था तरुण दलले काठमाडौंको रत्नपार्कस्थित शान्ति बाटिकामा विरोध प्रदर्शन गरी गृहमन्त्री नारायणकाजी श्रेष्ठको राजीनामा मागेको छ ।

तरुण दलको बिहीबार बसेको केन्द्रीय समिति बैठकले देशभर विरोध गर्ने निर्णय गरेको थियो ।

घाइते यादवको टाउको पछाडि भागमा चोट लागेको छ । उनको ट्रमा सेन्टरमा उपचार भइरहेको छ ।