- २६ असार २०८३, शुक्रबार / Jul 10, 2026
काठमाडौं । दमौलीमा राष्ट्रिय स्वतन्त्र पार्टीबाट उम्मेदवार स्वर्णिम वाग्लेका बुवा चढ्ने गाडी तोडफोड भएको छ । बिहीबार राति वाग्लेका बुवा जीवनराम वाग्ले चढ्ने गाडी तोडफोड भएको हो ।
सडकमै पार्किङ गरिएको गाडी तोडफोड भएको सूचना पाएलगत्तै अनुसन्धान थालेको प्रहरीले जनाएको छ । कसले तोडफोड गरेको हो भन्ने खुल्न भने सकेको छैन ।
दमौलीको एक होटल बाहिर राखिएको मारूती गाडी तोडफोड भएको जिल्ला प्रहरी कार्यालय, तनहुँले जनाएको छ ।
