दैलेखमा कर्फ्यु, अवज्ञा गरे कारबाही

२३ जेष्ठ २०७७ दैलेख । कोरोना संक्रमण बढेपछि दैलेख प्रशासनले दुइ नगरपालिकामा साँझ ६ बजेदेखि लागू हुनेगरी अनिश्चितकालीन निषेधाज्ञा जारी गरेको छ । दैलेखमा थप ९१ जनामा कोरोना संक्रमण पुष्टी भएकाे छ ।

नारायण नगरपालिका र दुल्लु नगरपालिकामा अनिश्चितकालीन कर्फ्यु लगाइएको जिल्ला प्रशासन कार्यालयले जनाएकाे छ । संक्रमित बढेकाले र्क्फ्यु नै लगाउन बाध्य भएको प्रमुख जिल्ला अधिकारी युवराज कट्टेलले बताए ।

अत्यावश्य सेवाबाहेकका अन्य कामहरु नगर्न प्रशासनले आदेश जारी गरेकाे छ । नारायण नगरपालिकाको सबै सिमाना तथा दुल्लु नगरपालिकाको कर्णाली राजमार्ग छुने नाकामा समेत र्क्फ्यु लगाइएको हो ।

संक्रमण रोक्न र्क्फ्यु लगाइएको हाे । दुई नगरपालिकाका ३ हजार ९ सय ५१ जना क्वारेन्टाइनमा बस्दै आएका छन् भने ३ सय ८ जनामा कोरोना पुष्टि भएको छ । हाल सम्म दैलेखमा कोरोनाबाट एकजनाको मृत्यु भएको छ ।