नायिका सिंह पुगिन् अदालत

काठमाडौं । ड्रग्स मामिलामा नाम मुछिएपछि रकुल प्रित सिंह उच्च अदालतमा पुगेर याचिका दर्ता गरेकी छन् ।उनीविरुद्ध भइरहेको मिडिया कभरेज रोकिदिन माग गरेकी छिन् । रकुलप्रितले आफ्नो याचिकामा रिया चक्रवर्ती मुद्दामा आफ्नो नाम आएपछि मिडिया ट्रायल चल्न थालेको बताएकी छिन् ।

तसर्थ रकुलप्रितले उच्च अदालतसँग सूचना एवं प्रसारण मन्त्रालयलाई उनीविरुद्ध मिडिया कभरेज नगरिदिन निर्देशन दिन अपिल गरेकी छिन् । रकुलप्रितले आफ्नो याचिकामा आफूले सुटिङ स्थलमा हुँदा उनको र सारा अली खानको नाम रियाले लिएको भन्ने खबर सुनेको र त्यसपछि मिडियाले खबर चलाउन सुरु गरे । रकुलप्रितका वकिलले हाइकोर्टसँग मिडियाले रकुलप्रितलाई उत्पीडन गरिरहेको बताए ।