- १२ कार्तिक २०८३, बिहीबार / Oct 29, 2026
काठमाडौं । राष्ट्रपति निर्वाचनमा भाग नलिने नेपाल मजदुर किसान पार्टी (नेमकिपा)ले निर्णय गरेको छ । पार्टीको केन्द्रीय सचिवालयको बैठकले उक्त निर्णय गरेको जनाइएको छ हो । नेमकिपाका प्रतिनिधि सभामा एक र बागमती प्रदेशमा तीन जना सांसद रहेका छन् ।
राष्ट्रपति पदमा उम्मेदवार दिएका कांग्रेस र एमालेले एमसीसी सम्झौता, एसपीपी साझेदारी, गोर्खा भर्ती, सन् १९५० को नेपाल(भारत सन्धि, कोशी, गण्डक, महाकाली, माथिल्लो कर्णाली, अरुण तेस्रो, पश्चिम सेतीलगायत नेपालको हितविपरीतका सन्धि सम्झौताहरु खारेज गर्ने प्रतिवद्धता नगरेले कुनै पनि राष्ट्रपतिका उम्मेदवारलाई भोट नदिने नेमकिपाले जनाएको छ ।
नागरिकता विधेयक, भारतबाट अतिक्रमित भूमि फिर्ता लगायतका प्रतिबद्धता कांग्रेस र एमालेले नगरेको नेमकिपाको आरोप रहेको छ । राष्ट्रपति पदका लागि नेपाली कांग्रेसका नेता रामचन्द्र पौडेल र नेकपा एमालेका उपाध्यक्ष सुवास नेम्वाङ उम्मेदवार रहेका छन् ।
