- २८ श्रावण २०८३, बिहीबार / Aug 13, 2026
दार्चुला । जिल्लाको नौगाड गाउँपालिकामा कार्यकर्तामुखी बजेट वितरण भएको नगरवासीले गुनासो गरेका छन् । ६ वटा वडाहरु रहेको नौगाड गाउँपालिकाका एक र दुई नम्बर वडालाई राजनैतिक प्रतिशोधका कारण व्यवहार गरिएको र त्यसरी नै बजेट छुट्याएको वडावासीको गुनासो छ ।
प्रदेशबाट आएको तटबन्धनको बजेटमा समेत उपभोक्ता समिति अध्यक्ष नौगाडको नभएर सैलेशिखर नगरपालिकाको आफन्त पर्ने मान्छेलाई बनाएको उनीहरुको दावी छ । मौरिपालनका लागि अन्य वडामा बजेट छुटाएको तर एक र दुई वडालाई बजेट नदिएको गुनासो गरेका छन् ।
गाउँपालिकामा यसरी मनपरी तरिकाले बजेट वितरण भएको भन्दै स्थानीयले विरोध जनाएको नरेन्द्र ठगुन्नाले बताए । यस विषयमा गाउँपालिका प्रवक्ता राजेन्द्र बोहरालाई बुझ्न खोज्दा उनको सम्पर्क नम्वरमा कल गर्दा उठेन ।
नौगाडका अधिकांश योजना वितरणमुखी र कार्यकर्तामुखी रहेको स्थानीयको गुनासो छ । तर गाउँपालिका अध्यक्ष दलजित सिंह धामीलाई बुझ्दा प्रदेशबाट आउने योजनाको गाउँपालिकालाई थाहै नभएर उपभोक्ता गठन गर्ने कहाँ कसरी योजना वितरण भयो आफुलाई थाहा नभएको बताए ।
माहुरीको आधुनिक घार वितरणमा भने जहाँ माहुरी धेरै हुन्छ त्यहाँ मात्रै वितरण गरेको र आगामी वर्षको बजेटमा अन्य वडालाई पनि योजना र बजेट दिने कैलाश खबरलाई बताए ।
