- १३ कार्तिक २०८३, शुक्रबार / Oct 30, 2026
भारत । प्रधानमन्त्री नरेन्द्र मोदीविरुद्ध भारतीय कांग्रेसले अविश्वास प्रस्तावको सूचना दर्ता गराएको छ । सभाका अध्यक्ष ओम बिरलाले अविश्वास प्रस्तावको सूचनालाई दर्ता गराउन स्वीकृति दिएको अन्तराष्ट्रिय सञ्चारमाध्यमले जनाएका छन् ।
कांग्रेसका सचेतक मनिकम टेगोरका अनुसार विपक्षी दलको तर्फका कांग्रेसका सांसद गौरव गोगोईले अविश्वासको प्रस्ताव पेस गर्नेछन् । अविश्वासको प्रस्तावमा सबै विपक्षी सांसदको समर्थन रहेको कांग्रेस आईको दाबी छ । सन् २०१८ मा नरेन्द्र मोदी सरकारको विरुद्ध विपक्षीले अविश्वास प्रस्ताव ल्याएको थियो ।
सदनमा ११ घण्टा लामो छलफलपछि अन्ततः मोदी सरकारले सदनमा आफ्नो बहुमत पुर्याएको थियो । मणिपुर हिंसामा सरकारले अभिभावकीय भूमिका खेल्न नसकेको र देशमा निरङ्कुशता हाबी भएको भन्दै विपक्षीले मोदीविरुद्ध अविश्वास प्रस्तावको सूचना दिएको जनाइका छन् ।
अविश्वासको प्रस्तावमाथिको छलफल र मतदानको मिति छलफलबाट टुङ्गो लाग्नेछ । प्रधानमन्त्री मोदीसँग बहुमत भएकाले अविश्वासको प्रस्ताव पास हुने सम्भावना भने नरहेको भारतीय सञ्चारमाध्यमले जनाएका छन् ।
