बूढानीलकण्ठ क्षेत्रमा विद्युत आपूर्तिमा समस्या

काठमाडौं । बूढानीलकण्ठ नगरपालिकामा रहेको चपली सबस्टेसनको पावर ट्रान्सफर्मरमा समस्या आएको छ । सबस्टेसनमा रहेका १०÷१० एमभिए क्षमताका तीन वटा ट्रान्सफर्मरहरुमध्ये एउटामा बुधबार बिहान बाट समस्या आएको हो । नेपाल विद्युत प्राधिकरण महाराजगञ्ज वितरण केन्द्रले सम्भव भएका स्थानमा अन्य सबस्टेसनबाट वैकल्पिक व्यवस्था गरी विद्युत आपूर्ति गरिएको जनाएको छ ।

समस्या देखिएको ट्रान्सफर्मरलाई हटाएर जगेडामा रहेको ट्रान्सफर्मर जडान गर्न लागिएको जनाएको छ । ट्रान्सफर्मरमा समस्या आउँदा टोखा, बाँसबारी, मण्डीखाटार, धापासी हाइट, बूढानीलकण्ठ, तारेभीर, झोरलगायतका क्षेत्रमा विद्युत् आपूर्ति बन्द छ । यो ट्रान्सफर्मरबाट पाँच वटा फिडर निकाली ती क्षेत्रमा विद्युत् आपूर्ति हुँदै आएको थियो ।