बोकाचो गढी उद्घटन तथा पृथ्वीनारायण शाहको शालिक अनावरण

भक्तपुर । बोकाचो गढीमा रहेको पुथ्वीनारायण शाहको शालिक अनावरण गरिएको छ । सुर्यविनायक नगरपालिका वडा–८ सिपाडोल नैचालस्थित ऐतिहासिक बोकाचो गढीमा निर्माण भएको पृथ्वीनारायण शाहको शालिक शुक्रबार अनावरण गरिएको हो ।

बागमती प्रदेशका सांसद किरण थापा र नेपाली सेनाका उपत्यका पृतनापति उपरथी सागर बहादुर थापाले संयुक्त रूपमा गढीमा निर्माण गरिएको शालिक अनावरण गरेका हुन । गढीमा निर्माण गरिएका संरचनाहरु समेत सञ्चालनमा आएका छन् ।

बोकाचो गढीको उद्घाटनसंगै पृथ्वीनारायण शाहको पूर्णकदको शालिक अनावरण गर्न पाउँदा आफूलाई खुशी लागेको बागमती प्रदेशसभा सदस्य किरण थापाले बताउनुभयो । उहाँले उद्घाटनको अवसर दियकोमा इन्द्र बक्स गण सुर्यबिनायकलाई समेत धन्यवाद दिनुभयो ।

बोकाचो गढीँमा वडाले सडक पुर्याए पछि नेपाली सेनाले टावर बनाइदिएको छ । सेनाले टावर बनाइदिएपछि उपत्यकाको मनोरम दृश्य छर्लङ्ग देखिँदा बोकाचो गढीमा आन्तरिक पर्यटकको आगमन बढेको छ।