भक्तपुर अस्पतालमा विशिष्ट सेवा प्रवाह

भक्तपुर । भक्तपुर असपतालले सेवाग्राहीलाई थप विशिष्ट सेवा दिने भएको छ । प्यालिएटिभ तथा ज्येष्ठ नागरिक वार्ड स्थापना गरेर यो सेवा दिन लागिएको अस्पताल प्रशासनले जनाएको छ ।

बागमती प्रदेशका स्वास्थ्यमन्त्री रामेश्वर श्रेष्ठलाई उद्घाटन गरिदिनका लागि निम्तासमेत दिइसकिएको भक्तपुर अस्पतालका कर्मचारी बताउँछन् । मुख्यमन्त्री जनता स्वास्थ्य कार्यक्रमको नसर्ने रोग पहिचानका लागि परीक्षण, परामर्श र व्यवस्थापनअन्तर्गत उक्त वार्ड संचालन गरिदैछ ।

प्यालिएटिभ केयर तथा ज्येष्ठ नागरिक वार्डमा विपन्न नागरिक र लोपोन्मुख समुदायलाई स्वास्थ्य सेवामा सहज पहुँच पुग्ने वताइएको छ । भक्तपुर अस्पताल विशिष्टकृष्त सामुदायिक अस्पतालको रुपमा रहेको छ ।

डाक्टर र चिकित्सकको असल व्यवहारले बिरामीको आधा रोग निको हुने र आत्मबल बढ्ने गरेको सेवाग्राहीले बताएका छन् । तर सबै रोगको सहज र छिटो छरितो उपचार गर्न अस्पतालमा अझैं जनशक्तिको भने अभाव देखिएकाे छ ।