- २२ आश्विन २०८३, बिहीबार / Oct 8, 2026
काठमाडौं । अखिल नेपाल फुटबल संघले राष्ट्रिय पुरुष फुटबल टिमको कार्यवाहक मुख्य प्रशिक्षकमा प्रदीप हुमागाईंलाई नियुक्त गरेको छ ।
एन्फा मुख्यालयमा जारी बैठकले वर्तमान प्रशिक्षक अब्दुल्लाह अल्मुताइरी बिदामा रहेकाले कार्यवाहक प्रशिक्षकको रूपमा हुमागाईंलाई नियुक्त गरेको सदस्यले बताएका छन् ।
कुवेतमा आयोजना भएको एएफसी एसियन कप छनोटपछि अब्दुल्लाह बिदामा बसेका छन् । हाल उनी कुवेतमै छन् । नेपालले अर्को महिना बङ्गलादेशसँग घरेलु मैदानमा मैत्रीपूर्ण खेल खेल्दैछ ।
सोही खेलका लागि हुमागाईंलाई प्रशिक्षक नियुक्त गरिएको हो । हुमागाईं अन्तिम पटक नेपाल सुपर लिगमा ललितपुर सिटी एफसीमा अनुबन्ध भएका थिए । हाल उनी अमेरिकामा छन् ।
