- १ कार्तिक २०८३, आईतवार / Oct 18, 2026
काठमाडौँ । कोरोना तीव्र गतिमा फैलिएपनि राष्ट्रिय सभा सदस्यको मतदान नरोकिने भएको छ । माघ १२ गते हुने राष्ट्रिय सभाको निर्वाचन निर्वाचन आयोगले जनाएको हो । कोभिड–१९ ले उत्पन्न परिस्थितिमा राष्ट्रिय सभा सदस्यको निर्वाचन तालिकामा फरक नपर्ने आयोगले प्रस्ट्याएको छ । आयोगले स्वास्थ्य मापदण्ड अपनाएर नै निर्वाचन गर्ने जनाएको छ ।
आयोगका प्रवक्ता शालिग्राम शर्मा पौडेलले राष्ट्रिय सभाको मतदानका लागि मतदाता सङ्ख्या सीमित रहेकाले आवश्यक स्वास्थ्य मापदण्ड अपनाएर निर्धारित कार्यक्रमबमोजिम नै मतदान हुने बताए । आवश्यक परे आयोगको प्रदेशस्थित कार्यालय र निर्वाचन अधिकृतले स्वास्थ्य मापदण्डबारे स्थानीयस्तरको कोभिड व्यवस्थापन संयन्त्रसँग सहयोग र सुुझाव लिने उनको भनाई छ ।
राष्ट्रिय सभाको १९ सदस्यका लागि माघ १२ गतेका लागि तय गरिएको मतदान सातवटै प्रदेशमा हुनेछ । सातवटै प्रदेशमा कुल दुुई हजार २५ जना मतदाता छन् । ५३२ प्रदेश सभा सदस्य र एक हजार ४९३ स्थानीय तहका प्रमुख र उपप्रमुख राष्ट्रिय सभा सदस्यको मतदाता छन् ।
