- २५ फाल्गुन २०८२, सोमबार / Mar 9, 2026
३१ बैशाख २०७७ भक्तपुर । भक्तपुरमा अहिलेसम्म दुईजनामा कोरोना संक्रमित पुष्टी भएको छ । २५ वर्षीय महिला जो सुनसरीको झुम्काबाट आएकी थिइन र अर्को दुवाकोटका २७ वर्षीय पुरुष रहेको खुलेको छ ।
उनी तीन दिन अघि उनी सुनसरीको झुम्काबाट भक्तपुर आएकी थिइन भने दुवाकोटका युवामा कसरी कोरोना सर्न गयो त्यो भने पत्ता लागेको छैन । संक्रमित युवतीलाई हिजै टेकु अस्पताल भर्ना गरिएको छ ।
संक्रमित युवतीकी साथी स्टाफ नर्सलाई पनि निगरानीमा राखेर परीक्षण गर्ने तयारी गरिएको अस्पतालले जनाएको छ । हिजै टेकु अस्पताल भर्ना गरिएका दुवाकोटका युवाले बाहिर कतै नगएको तर कसरी कोरोना सर्यो थाह नपाएको बताएका छन् ।
संक्रमण पुष्टी भएसंगै अहिले उनको परिवारलाई सिल गरिएको छ । भक्तपुरमा भेटिएका संक्रमितहरूको कन्ट्याक्ट ट्रेसिङको काम अगाडि बढाइएको जिल्ला प्रहरी प्रमुख एसपी सविन प्रधानले जानकारी बताए ।
उनीहरुको सम्पर्कमा आएका र अन्य हिस्ट्री लिने काम भइरहेको प्रधानको भनाई छ । भक्तपुरका दुई जना र काठमाडौंका एकजना गरी ८३ जना व्यक्तिमा संक्रमण देखिएको छ । जसमा १८ जना पर्सा, २ जना धनुषा, २ जना महोत्तरी र एकजना सर्लाहीका गरि एकैदिन देखिएको अहिलेसम्मकै ठूलो संख्या भएको स्वास्थ्य मन्त्रालयले बताएको छ ।
नेपालमा कोरोना संक्रमिको संख्या २१७ पुगेको छ भने ३४ जना निको भएर घर फर्किएका छन्। तीन जनामा पुनः संक्रमण देखिएपछि उपचार भैरहेको छ ।
यता लकडाउनलाइ कडा पारीएपनि नागरिकले भने हल्का रूपमा लिएका छन् ।
हेर्नुहाेस् भिडियाे…
