- २५ फाल्गुन २०८२, सोमबार / Mar 9, 2026
१२ असार २०७७ काठमाण्डौ । मलेसियाबाट १८ र साउदीबाट १६ जना नेपालीको शव नेपाल ल्याउन लागिएको छ । मलेसियाबाट आज र साउदीबाट भोलि ल्याउने जनाइएको छ । कोरोना महामारी र लकडाउनका कारण अन्तर्राष्ट्रिय उडान बन्द हुँदा रोकिएका शव नेपाल ल्याउन लागिएको हो । वैदेशिक रोजगार बोर्ड र नेपाली दूतावासको समन्वयमा शव स्वदेश ल्याउन लागिएको हो ।
कस्को शव कहाँबाट ल्याइदै ?
मलेसियाबाट
सिरहाका- बलराम ठाकुर
जाजरकोटका – बीरबहादुर कामी
धनुषाका -बिपिन महरा
बाराका -राजाराम चौधरी
सल्यानका- प्रेम बि.क
पाँचथरका -जगतबहादुर राई र सुरेन्द्रप्रसाद सुब्बा
रोल्पाका -विजयबहादुर बोहरा
इलामका -पदमबहादुर सारु
बाग्लुङ्का -शिव पुन मगर
नवलपरासीका- पुनरवासी पुरी
नुवाकोटका -दिपक भट्टराई
महोत्तरीका- भरोसी यादव
महोत्तरीका- दुःखीलाल मण्डल खान र मनोजकुमार यादव
बाराका -प्रवेश कुमार खतवे
रुकुमका -कुवीराम ओलीको शव नेपाल ल्याउन लागिएको को शव भएको वैदेशिक रोजगार बोर्डले जानकारी दिएको छ ।
यसअघि पनि कोरोनाको कारण रोकिएका ११ शव मलेसियाबाट ल्याइएको छ ।
साउदीबाट
भोलि शनिबार बिहान १६ जनाको शव सहित अलपत्र नेपाली ल्याउने भएको छ । कतारले असार ६ गते २० जना नेपालीको शव कतार एअरवेजको चार्टर्ड उडानमार्फत पठाएको थियो । त्यस्तै अन्य देशबाट पनि नेपाली लिएर आएका जहाजले शव पनि लिएर आइरहेका छन् ।
लकडाउनका कारण शव लिन आफन्त आउन नपाएमा बोर्ड आफैंले बुझेर घरसम्म निःशुल्क पुर्याइदिने जनाएको छ ।काठमाण्डौमै आफन्त भएमा शव बुझ्न सकिने र बोर्डले घरसम्म ढुवानी गरिदिने बोर्डका कार्यकारी निर्देशक राजनप्रसाद श्रेष्ठले बताए ।
