लागुऔषधमा संलग्न वडा अध्यक्ष रंगेहात पक्राउ

१२ असार २०७७ बागलुङ । निसीखोला गाउँपालिकामा ठूलो परिणामको लागूऔषध कारोवार गरिरहेको अवस्थामा वडा अध्यक्ष रंगेहात पक्राउ परेका छन् ।
वडा नं ६ का वडा अध्यक्ष सूर्यबहादुर घर्तीसहितका मानिसले एक क्विन्टल भन्दा धेरै लागुऔषध बिक्रीका लागि लैजादै गर्दा वडा नं ५ बाट पक्राउ परेका हुन्।
उनीहरुले बेच्न लागेको लागूऔषध के हो भन्ने प्रहरीले खुलाएको छैन् । इप्रका बुर्तिवाङबाट गएको गस्ती टोलीले पक्राउ गरेको जिल्ला प्रहरी कार्यालयका प्रहरी नायव उपरिक्षक राजेन्द्र रेग्मीले बताए । अनुसन्धान पछि मात्र घटनाबारे विस्तृत विवरणको जानकारी दिने उनले बताए । गाउँपालिका अध्यक्ष तारानाथ पौडेलले भने घटनाबारे जानकारी नपाएको बताए ।