- १ जेष्ठ २०८३, शुक्रबार / May 15, 2026
५ जेठ २०७७ काठमाडौं । नेपालमा थप नौ जनामा कोरोना संक्रमण पुष्टि भएसंगै अहिले सम्म संक्रमितको संख्या ३०४ पुगेको छ । आज देखिएका संक्रमित रौतहट र बाराका रहेको स्वास्थ्य मन्त्रालयले जनाएको छ ।
२८ हजार १ सय ७२ को परिक्षण गरिदा सम्म जम्मा संक्रमित ३ सय ४ पुगेको छ भने २ जनाको मृत्यु भएको छ । ३६ जना निको भएर घर फर्किएका छन् । आज संक्रमण पुष्टि भएकाहरुमा रौतहटका ८ जना र बाराका एक जना रहेको स्वास्थ्य मन्त्रालयका सहप्रवक्ता डाक्टर समिरकुमार अधिकारीले जनाएका छन् ।
काठमाडौंमा गरिएको परीक्षणमा रौतहटमा पुष्टि भएका सबै पुरुष र बारामा एक महिलामा संक्रमण देखिको छ । कोरोनाको आशंकामा पछिल्लो २४ घण्टामा ३ हजार ४ सय ८९ जनाको नमूना परीक्षण भएको छ ।
नेपालमा हालसम्म ९५ हजार ९ सय २९ जनाको कोरोना परीक्षण भएको स्वास्थ्य तथा जनसंख्या मन्त्रालयले जनाएको छ । विश्वमा ४८ लाख ४ हजार ७ सय ६५ संक्रमित मध्य ३ लाख १६ हजार ७ सय ११ जनाको मृत्यु भएको छ । १८ लाख ५८ हजार ७ सय ८३ जना निको भएर घर फर्किएका छन् ।
अमेरिकामा अहिलेसम्म १४ लाख ७६ हजार ३४६ जना संक्रमित भेटिएका छन् । ८९ हजार ५५० जनाको मृत्यु भएको छ । अमेरिकापछि सबैभन्दा धेरै संक्रमित रुसमा छन् । त्यहाँ दुई लाख ८१ हजार ७५२ जना संक्रमित भेटिएकामा दुई हजार ६३१ जनाको ज्यान गएको छ ।
