- १४ आश्विन २०८३, बुधबार / Sep 30, 2026
दाङ । अपहरण गरी बन्धक बनाएको आरोपमा दाङमा सात जना पक्राउ परेका छन् । दाङमा एक व्यक्तिलाई अपहरण गरी बन्धन बनाएको आरोपमा सात जना पक्राउ परेका हुन । आइतवार राति साढे १० बजे उनीहरुले अपहरण गरी रिक्सामा राखेर घोराही १९ थप्ली डाँडामा लगि निर्घात कुटपिट गरेका थिए ।
घोराही उपमहानगरपालिका–१३ डुम्मरगाउँका ४१ वर्षीय जितबहादुर विकलाई अपहरण गरेको आरोपमा ३२ वर्षीय दीपक सुनार, २४ वर्षीय हिरा सुनार, २३ वर्षीय जीवन सुनार, २० वर्षीय मनोज घर्तीमगर, ३४ वर्षीय खिमबहादुर घर्तीमगर पक्राउ परेको दाङ प्रहरीले जनाएको छ । दुई जना भने १३ वर्षीय बालक रहेका छन् ।
कुटपिटबाट घाइते भएका विकको राप्ती स्वास्थ्य विज्ञान प्रतिष्ठान घोराहीमा उपचार भइरहेको प्रहरीले जनाएको छ । उनीहरुले व्यक्तिगत रिसिभीका कारण कुटपिट गरेको बताएका छन् ।
