- १३ भाद्र २०८३, शनिबार / Aug 29, 2026
पोखरा । हालै सम्पन्न पोखरा उद्योग वाणिज्य संघको निर्वाचनमा उद्योगतर्फका उपाध्यक्ष देवेन्द्र केसीले विजयी भएका छन् । नवनिर्वाचित केसीले उद्येमीहरुको पीरमर्कामा हातेमालो गर्दै अगाडि बढ्ने प्रतिवद्धता व्यक्त गरे ।
काेराेना कहरका बेला थला परेकाे व्यापार व्यवसायलाई माथि उकास्न र व्यवसायीक हत हितका लागि तपाईंकाे भूमिका के हुन्छ भनेर कैलाश खबर डटकमले साेधेकाे प्रश्नमा सोमबार जवाफ दिदै नवनिर्वाचित उपाध्यक्ष केसीले पक्ष वा विपक्ष नभनेर व्यवसायीक हक हितका लागि निरन्तर लागिपर्ने बताए ।
मेरो–तेरो प्यानल नभनेर एकताबद्ध भएर अघि बढन आह्वान गर्दै उनले भने, ‘हामी चुनावी मैदानमा प्यानल भएपनि व्यवसायीक हक हितका लागि एउटै ठाउँमा उभिएका छाैं । निर्वाचनमा उद्योगीहरुले सक्षम नेतृत्वलाई चुनेका छन् ।’
उद्योग वाणिज्य संघ पोखरालाई काम गर्ने टिम चाहिएकाले आफूहरुलाई दिएको जिम्मेवारी पुरा गर्न कुनै कसुर बाँकी नराख्ने बताए । आफूहरुले चाहे जस्तो टिम निर्वाचित भएकाले पोखराका उद्योगी व्यावसायीहरुको हक हितका लागि कार्य सम्पादन गर्न सहज हुने र सहयाेग गर्ने प्रतिबद्धता जनाए । उपाध्यक्ष केसी ३४ औं महाधिवेशनमा १७ सय ९१ मत ल्याएर विजयी भएका हुन ।
