समानुपातिकमा कुन दलको कति मत ?

काठमाडौं । समानुपातिक निर्वाचनको मतगणनामा नेकपा एमाले पहिलो दल बनेको छ । पछिल्लो मत परिणाम अनुसार एमाले ९ लाख मत कटाएको छ ।

एमालेले ९ लाख ५५ हजार ३६० मत प्राप्त गर्दा दोस्रो स्थानमा रहेको नेपाली कांग्रेसले ९ लाख १० हजार ४१५ मत प्राप्त गरेको छ । तेस्रो स्थानमा राष्ट्रिय स्वतन्त्र पार्टीको ४ लाख ६४ हजार ४१८ मत रहेको छ भने नेकपा माओवादी केन्द्रको ४ लाख २३ हजार २११ मत रहेको छ ।

राप्रपाको २ लाख ४६ हजार ५५६ मत रहेको छ भने जसपा नेपालको १ लाख १५ हजार ६५२ रहेको छ । जनमत पार्टीले ६९ हजार ४९५ प्राप्त गर्दा नेकपा (एकीकृत समाजवादी)को ६३ हजार १५९ मत रहेको छ ।

नागरिक उन्मुक्ति पार्टीको ६१ हजार ८०९ मत रहेको छ भने नेपाल मजदुर किसान पार्टीले ५६ हजार २३८ मत पाएको छ ।