स्ववियु निर्वाचनमा सहकार्य गरेर जाऊ

सुर्खेत । सत्ता गठबन्धन निकट विद्यार्थी संगठनलाई सहकार्य गर्न नेतृत्वले निर्देशन दिएको छ ।

प्रदेशस्तरीय बैठकले चैत पाँच गते हुने स्वतन्त्र विद्यार्थी युनियन निर्वाचनमा गठबन्धन निकटका विद्यार्थीहरुलाई सहकार्य गर्न निर्देशन दिएको हो ।

वीरेन्द्रनगरमा बसेको बैठकले कर्णाली प्रदेशमा सत्तारुढ गठबन्धनको बैठकले तालमेल गरेर जान भनेको छ ।

माओवादी केन्द्रकी प्रदेश अध्यक्ष विमला केसीले नेपाल विद्यार्थी संघ, अनेरास्ववियु (क्रान्तिकारी), अनेरास्ववियू, समाजवादी विद्यार्थी युनियनलगायतका सत्तारुढ गठबन्धन दलका भातृ संगठनबीच सहकार्य गरेर जान निर्देशन दिइएको हो ।

मध्यपश्चिम विश्वविद्यालयमा स्ववियु निर्वाचनका लागि विद्यार्थी सङ्गठनले क्याम्पसमा नाम दर्ता गराएका छन् । ती विद्यार्थी सङ्गठनले छुट्टाछुट्टै संठनको नाम दर्ता गराएका हुन् ।