- ९ असार २०८३, मंगलवार / Jun 23, 2026
काठमाण्डौ । काँकडभिट्टा नाका हुँदै गएको आर्थिक वर्ष २०७९र८० मा भारतबाट १६ हजार ३५ मेट्रिक टन कोदो भित्रिएको छ ।
काँकडभिट्टा नाकाबाट मात्रै ५१ करोड ३१ लाख २० हजार मूल्य बराबरको कोदो भित्रिएको हो ।
३१ करोड ९८ लाख आठ हजार मूल्य बराबरको १९ हजार नौ सय ८८ मेट्रिक टन करेला, १८ करोड ७४ लाख ७२ हजार मूल्य बराबरको ११ हजार सात सय १७ मेट्रिक टन भिन्डी र आठ करोड ९६ लाख ८० हजार मूल्य बराबरको पाँच हजार छ सय पाँच मेट्रिक टन सिमी भारतबाट आयात भएको तथ्याकंले देखाएको छ ।
यो एक वर्षमा १९ करोड ८३ लाख ८४ हजार मूल्य बराबरको १२ हजार तीन सय ९९ मेट्रिक टन हरियो खुर्सानी पूर्वीनाका हुँदै भारतबाट भित्रिएको छ । पहाडी जिल्लामा फालाफाल उत्पादन हुने फर्सी समेत भारतबाट ठूलो मात्रामा आयात भएको छ । पहाडी जिल्लामा नबिकेर किसानले गाईभैँसीलाई खुवाउँने फर्सी पूर्वी नाकाबाट आर्थिक वर्ष २०७९ र ८० मा सात करोड ५७ लाख २८ हजार मूल्यको चार हजार सात सय ३३ मेट्रिक टन आयात भएको तथ्यांकले देखाएको छ ।
भान्सामा उपभोग हुने खाद्यवस्तु फर्सी र कोदोमात्र होइन, फापर, खुर्सानी, घिरौला, लौका, करेला, तरुल, भिन्डी, सिमीलगायतका भारतबाट उच्च मात्रामा आयात भएको छ ।
