२४ घण्टा भित्र लिखित स्पष्टीकरण पेश गर्न मधेशका मुख्यमन्त्रीलाई निर्देशन

काठमाडौं । मधेश प्रदेश सरकारका मुख्यमन्त्री सरोजकुमार यादवलाई निर्वाचन आयोगले स्पष्टीकरण सोधेको छ । आयोगले आइतबार निर्वाचन आचारसंहिता उल्लंघन गरेको भन्दै यादवलाई स्पष्टीकरण सोधेको हो ।

आयोगले यादवलाई २४ घण्टा भित्र लिखित स्पष्टीकरण पेश गर्न निर्देशन दिएको छ । आयोगका उपसचिव कमल ज्ञवालीद्वारा जारी विज्ञप्तिका अनुसार आइतबार बारा २ को उपनिर्वाचनमा प्रतिकूल असर गर्ने गरी कार्य गरेको भन्दै आयोगले यादवलाई स्पष्टीकरण सोधेको छ ।