- ३१ आश्विन २०८३, शनिबार / Oct 17, 2026
काठमाडौं । शिक्षण पेशामा संलग्न शिक्षक, प्राध्यापक र कर्मचारीलाई राजनीतिक दलको सदस्यता नलिन शिक्षा, विज्ञान तथा प्रविधिमन्त्री सुमना श्रेष्ठले आग्रह गरेकी छन् । यदि कसैले लिएमा सिधै कारवाही गर्ने चेतावनी दिएकी हुन् ।
दलको सदस्य हुने, आफ्नाे काम कर्तव्य भुलेर राजनीति गरेकाे पाइए व्यवस्था प्रचलित कानुमा टेकेर शिक्षक, प्राध्यापक तथा कर्मचारीलाई कारबाही गरिने बताएकी छन् । शिक्षा क्षेत्र दलीय राजनीतिबाट मुक्त गराएरै छाड्ने उनकाे अठाेट छ ।
शिक्षा क्षेत्रको सुधार र गुणस्तर वृद्धिका लागि राजनीतिक सदस्यता लिएका बहालवाला शिक्षक एवं प्राध्यापक र कर्मचारीलाई सदस्ता त्याग्न सम्बन्धित निकायलाई आह्वान गरेकी हुन् ।
शिक्षा ऐन २०२८ र राजनीतिक दलसम्बन्धी ऐन २०७३ मा भएको कानुनी प्रावधान उल्लेख गर्दै कार्यान्वयनमा कडाइ गर्न मन्त्रालय प्रतिबद्ध रहेको बताइन् ।
सरकारी तथा सामुदायिक संस्थामा कार्यरत शिक्षक, प्राध्यापक र कर्मचारीले राजनीतिक दलको सदस्यता लिएको प्रमाणसहित सम्बन्धित निकायमा उजुरी दिनका लागि सबैलाई अनुराेध गरेकी छन् ।
