छोरीलाई २५० करोड भारुको बंगला उपहार उपहार दिदै अभिनेता

काठमाडौं । आफ्नी छोरी राहा कपुरलाई झण्डै दुई सय ५० करोड भारतीय रुपैयाँ पर्ने बंगला बलिउड अभिनेता रणवीर कपुरले उपहार दिने भएका छन् । मूल्यका हिसाबले यो बंगला बलिउडका महानायक अमिताभ बच्चनको जल्साु र शाहरूख खानको मन्नत बंगला भन्दा महँगो हो । उपहार दिने यो बंगलामा रणवीर र आलियाको बराबर लगानी छ ।

आमा नितु कपुरको साथमा रणवीर तथा आलिया हाल निर्माणधीन रहेको मुम्बईस्थित बान्द्रामा रहेको यो बंगलामा देखिएपछि यसको खुलासा भएको हो । उपहार पाएसँगै रणवीर आलियाकी एक वर्षीया छोरी बलिउडकी सबैभन्दा कम उमेरकी धनी सन्तान बन्ने भएकी छन् ।

भारततीय कानुन अनुसार उपहार दिइएको सम्पतिमा कुनै कर लाग्दैन । तर यसबाट आय हुन थालेमा भने कर तिर्नुपर्नेछ । नितुले हालै यही क्षेत्रमा १५ करोड भारुमा आफ्ना लागि एउटा घर किनेकी छन् ।