- २ कार्तिक २०८३, सोमबार / Oct 19, 2026
काठमाडौं । जनमत पार्टीका सांसद अब्दुल खानले डिग्री पास गरेका युवा खाडीमा भाँडा माझिरहेको भन्दै अहिले आएको बजेटले ‘एक घर एक रोजगारी’ सिर्जना गर्न सक्छ भन्दै प्रश्न गरेका छन् । उनले हरेक वर्ष १६ देखि २० लाख युवा श्रम बजारमा आउने, तर जम्मा पाँच प्रतिशतले मात्र रोजगारी पाउने गरेको भन्दै बजेटले यसलाई सम्बोधन गर्नेगरी कार्यक्रम नआएको बताए ।
आज प्रतिनिधिसभाको बैठकमा आगार्मी आर्थिक वर्षको बजेटमाथिको सैद्धान्तिक छलफलमा बोल्दै उनले पढ्न भन्दै एक लाख विद्यार्थी विदेश जाने, १२ कक्षा पुग्दा ६६।६७ प्रतिशत विद्यार्थीले पढाइ छाड्ने समस्या बढेको भन्दै यसलाई सम्बोधन गर्ने बजेटमा कार्यक्रम नभएको बताए ।
साथै उनले बजेटमा पहाडमा भूकम्पपीडितलाई व्यवस्थापन गरिए पनि मधेशका आगलागी पीडितलाई सम्बोधन नगरेको बताए । उनले मधेशलाई पनि बजेटमा प्राथामिकता दिनुपर्ने बताए ।
