- २७ भाद्र २०८३, शनिबार / Sep 12, 2026
नवलपरासी । शीतलहरका कारण तराइका केही स्थानको जनजिवन प्रभावित बनेको छ । नवलपरासीलगायत तराईका विभिन्न स्थानमा विगत दुई सातादेखि बढेको चिसोसँगै शीतलहरले जनजिवन प्रभावित बनाएको हो ।
स्थानीय तहका जनप्रतिनिधिहरुले विपन्नभन्दा पनि आफू निकट व्यक्तिको नाम राखेर राहत पठाएपछि वास्तविक विपन्नको तथ्यांक आउन नसकेको जनाइएको छ । जिल्ला विपद् व्यवस्थापन समितिले पुनः प्रहरी र रेडव्रmसबाट विवरण लिएर कम्बल वितरण गरेको विपद् व्यवस्थापन समितिले जनाएको छ ।
चिसोको मारमा सबैभन्दा बढी विपन्न समुदाय परेका छन् । स्थानीय तहहरुले भने विपन्न समुदायका लागि चिसोबाट बच्नका लागि कुनै राहतका कार्यक्रम नल्याएको स्थानीयको गुनासो रहेको छ ।
नवलपरासीमा शीतलहर बढेलगत्तै जिल्ला विपद् व्यवस्थापन समितिको बैठक बसेर प्रभावितहरुलाई न्यानो कपडा र दाउरा वितरण गर्ने निर्णय गरेको थियो ।
त्यसका लागि स्थानीय तहलाई विपन्नहरुको विवरण बुझाउन भनिएको थियो । तर स्थानीय तहले दुई सातासम्म पनि वास्तविक विवरण उपलब्ध गराउन नसक्दा विपन्न परिवारहरु चिसोमै कष्टकर दैनिकी बिताउन बाध्य भएका छन् । केही स्थानीय तहले दाउरा वितरण गरेपनि अहिलेसम्म न्यानो कपडा वितरणमा चासो दिएका छैनन् ।
