आश्रय लिइएर बसेको स्थल नरसंहारमा परिणत

एजेन्सी । गाजापट्टीमा एकै दिन इजरायली आक्रमणमा ४० प्यालेस्टेनीको मृत्यु भएको छ । इजरायलले गाजापट्टीको खान युनिस शहरमा गरेको बमहमलामा ठूलो ४० जना प्यालेस्टेनीको मृत्यु भएको हो । गाजापट्टीको खान युनिस शहरको आक्रममा ठूलो संख्यामा हताहती भएको र थुप्रै घाइते भएको जनाइएको छ ।

संयुक्त राष्ट्रसंघा राहत प्रमुख मार्टिन ग्रिफिथ्सले खान युनिस शहरमा गरिएको इजरायली हमला निकै नै घातक भन्दै अस्पतालमा कार्यरत व्यक्तिहरु पनि निशानामा परेकोमा खेद व्यक्त गरेका छन् ।
इजरायलले हमासका कमाण्डरहरु लुकेर बसेको आशंकामा खान युनिस शहरमा आक्रमण गरेको बताएको छ ।

इजरायलले गाजाको वेष्ट बैंकमा लगातार ड्रोन आक्रमण जारी राखेको छ । युद्धको मारमा परेका सर्वसाधारण आश्रय लिइ बसेको स्थल लक्षित गरेर गरिएको आक्रमणलाई नरसंहारको रुपमा लिइएको छ ।