- १ आश्विन २०८३, बिहीबार / Sep 17, 2026
काठमाडौं । दुर्लभ एकसिङ्गे गैँडा चोरी सिकार गरेको अभियोगमा फरार भएका ३४ जना पक्राउ परेका छन् । चितवन राष्ट्रिय निकुञ्जले चोरी सिकारी गरेको अभियोगमा थप ६ जनालाई पक्राउ गरेको हाे । यस्तै खाल्डो बनाएर दुईवटा गैँडा मारेको अभियुक्तलाई नौ दिनभित्र पक्राउ गरेकाे बताएकाे छ ।
चोरी सिकारी नियन्त्रण अभियानमा महत्त्वपूर्ण काम भएको भन्दै निकुञ्जका अधिकारीलाई ज्यानु वसन्तराज मिश्र फाउण्डेशनले ३ लाखसहित सम्मान गरेको छ । निकुञ्जका प्रमुख संरक्षण अधिकृत डिलबहादुर पुर्जा पुन, संरक्षण अधिकृत दिवेश श्रेष्ठ र घडियाल प्रजनन केन्द्रका कर्मचारी प्रेम शर्मा नगदसहित सम्मानित भए।
