- २५ फाल्गुन २०८२, सोमबार / Mar 9, 2026
डोटी । सुदूरपश्चिमको प्रमुख धार्मिक पर्यटकीय स्थल बडीकेदार धाममा ८,९ र १० गते मेला लाग्ने भएको छ ।
बोगटान फुड्सिल गाउँपालिका र बडिकेदार गाउँपालिकाको सङ्गम स्थलका रूपमा रहेको धाममा मङ्सिर ८ र ९ गते ठूलो मेला लाग्नुका साथै १० गते पूजन कार्य हुने बडीकेदार क्षेत्र पर्यटन तथा व्यवस्थापन समितिले जनाएको छ ।
ठुलाकेदारको नामले पनि चिनिँदै बडीकेदार धार्मिक, पर्यटकीय तथा ऐतिहासिक दृष्टिकोणले नेपालको एक महत्त्वपूर्ण तीर्थस्थलको रूपमा परिचित छ ।
बडीकेदारधामको दर्शन गरेमा मनोकामना पुरा हुने भन्दै हजारौँको सङ्ख्यामा भक्तजनहरू आउने गर्दछन् । धार्मिक, पर्यटकीय तथा
ऐतिहासिक दृष्टिकोणले महत्त्व बोकेको बडीकेदार क्षेत्रको विकासका लागि स्थानीय सरकार, प्रदेश सरकार र सङ्घीय सरकाले संयुक्त रूपमा काम गरिहरेको गाउँपालिकाका अध्यक्ष भैरव बहादुर साउँदले बताए ।
