- २७ भाद्र २०८३, शनिबार / Sep 12, 2026
काठमाडौं । मुक्तिनाथ कृषि कम्पनीको प्राथमिक सेयर आईपीओ आवेदन सर्वसाधारणका लागि आजदेखि खुल्ला गरेको छ।
बिक्री प्रवन्धक एनआईएमबी एस क्यापिटलले एक सार्वजनिक सूचना जारी गर्दै आईपीओ निस्कासन खुला गरेको हो । कार्यालय समय १० बजेपछि मात्रै सर्वसाधारणले कम्पनीको आईपीओमा आवेदन दिन सक्नेछन् ।
आईपीओमा मंसिर १२ गते ५ बजेसम्म आवेदन दिन सकिनेछ ।
कम्पनीले जारी पुँजी ७० करोड रुपैयाँको २० प्रतिशत सेयर सर्वसाधारण समूहमा निस्कासन गर्न लागेको हो ।
कर्मचारी, वैदेशिक रोजगारमा गएका नेपाली नागरिक तथा सामूहिक लगानी कोषका लागि छुट्याएपछि सर्वसाधारणका लागि कुल ११ लाख ४८ हजार कित्ता सेयर जारी हुन लागेको हो । १०० का दरले कम्पनीको आईपीओमा सर्वसाधारणले अनलाइन प्रणाली मेरोसेयरमार्फत आवेदन दिन सक्ने कम्पनीले जनाएको छ ।
