- १८ असार २०८३, बिहीबार / Jul 2, 2026
काठमाडौं । काठमाडौं महानगरपालिकाका प्रमुख बालेन्द्र साहले सम्पदा पुनःनिर्माणका लागि आवश्यक बजेट एकैपटक माग्न पनि वडा अध्यक्षहरुसँग आग्रह गरेका छन् । महानगरले सम्पदा पुनःनिर्माणको लागि एकैपटक सबै बजेट मागदा दिँदैन की भन्ने आशंका नगरी एकैपटक बजेट मागेर सबै पुनःनिर्माणका कामहरु एकैपटकमा सम्पन्न गर्नेगरी काम गर्न प्रमुख साहले आग्रह गरे ।
उनले सम्पदाको निर्माण पुरातन शैलीमा नै गर्नुपर्ने पनि बताएका छन्। मेयर साहले काठमाडौं उपत्यकामा सम्पदाहरुको पुनः निर्माण गर्दा पुरानो शैलीलाई नै महत्व दिएर बनाउनुपर्नेमा जोड दिए । उनले पुरानो शैलीमा सम्पदाहरुको पुनः निर्माण गर्दा व्यापार व्यवसाय घट्ने नभई झनै बढेर जाने बताए । उनले महानगरपाकिला भित्रका सम्पदा पुनःनिर्माणका लागि महानगर जहिल्यै सहयोग गर्न तयार रहेको बताए ।
