सुदूर र कर्णालीका केही स्थानमा हुरीसहित मुसलधारे वर्षा

काठमाडौं । सुदूरपश्चिम र कर्णाली प्रदेशका धेरै स्थानमा हुरीबताससहित मुसलधारे वर्षा हुने जल तथा मौसम विज्ञान विभागले जनाएको छ ।

देशभर मनसुनी वायुको प्रभावसँगै हाल गण्डकी, लुम्बिनी कर्णाली र सुदूरपश्चिम प्रदेशमा साधारणतयादेखि पूर्णतया बदली रही बाँकी क्षेत्रमा आंशिकदेखि साधारणतया बदली रहेको छ ।

आज दिउँसो कर्णाली र सुदूरपश्चिम प्रदेशमा साधारणतयादेखि पूर्णतया बदली र बाँकी प्रदेशमा आंशिकदेखि साधारणतया बदली रहने छ।