- २२ कार्तिक २०८३, आईतवार / Nov 8, 2026
मकवानपुर, २८ भाद्र । मकवानपुरको भीमफेदीस्थित कारागारबाट फरार रहेका ४४० जना कैदीबन्दी मध्ये १२३ जनालाई पक्राउ गरिएको छ। कारागारमा रहेका कुल १ हजार ६६ जना कैदीबन्दी मध्ये भदौ २५ गते बिहान ठूलो संख्यामा भाग्न सफल भएका थिए।
फरार भएकामध्ये हालसम्म १२३ जनालाई पुनः पक्राउ गरिएको कारागार प्रशासक सुवास पौडेलले जानकारी दिएका छन्। अझै ३१७ जना कैदीबन्दी फरार रहेको र उनीहरूको खोजी कार्य भइरहेको उनले बताए।
विवरणअनुसार, हाल कारागारमा जम्मा ७९७ जना कैदीबन्दी रहेका छन्। यसमा अन्य कारागारबाट फरार भई पक्राउ परेका ४८ जना समेत समावेश छन्।
