- २७ असार २०८३, शनिबार / Jul 11, 2026
काठमाडौँ, २४ असाेज । मानसिक स्वास्थ्यप्रति जागरूकता बढाउने उद्देश्यका साथ आज विश्व मानसिक स्वास्थ्य दिवस मनाइँदै छ।मानव जीवनमा मानसिक स्वास्थ्यको महत्व बुझाउन सन् १९९२ देखि यो दिवस विश्वव्यापी रूपमा मनाउन थालिएको हो।
प्राकृतिक प्रकोप, द्वन्द्व तथा सार्वजनिक स्वास्थ्य आपत्कालजस्ता संकटमा परेकालाई मनोसामाजिक परामर्श र तत्काल सहयोग उपलब्ध गराउनुपर्ने सन्देश यस दिवसले दिएको छ।
संयुक्त राष्ट्रसंघले राजनीतिक नेतृत्व, सरकारी कर्मचारी, स्वास्थ्य तथा सामाजिक सेवा प्रदायक, विद्यालय कर्मचारी र सामुदायिक समूहहरू सबैलाई एकताबद्ध भएर मानसिक स्वास्थ्य सबल बनाउन योगदान दिन आह्वान गरेको छ।
विश्व स्वास्थ्य सङ्गठन (WHO) ले पनि “मन स्वस्थ भए तन स्वस्थ हुन्छ” भन्ने सन्देशसहित सदस्य राष्ट्रहरूलाई जनचेतना अभिवृद्धिका कार्यक्रम चलाउन आग्रह गरेको छ।
