- १८ असार २०८३, बिहीबार / Jul 2, 2026
काठमाडौं । रौतहटमा यात्रुवाहक बस पल्टिँदा एकजनाको मृत्यु भएको छ भने १३ जना घाइते भएका छन्। शनिबार सदरमुकाम गौरबाट चन्द्रनिगाहपुरतर्फ जाँदै गरेको ना७ख ८४१४ नम्बरको यात्रुबाहक बस जयनगर चोकमा अनियन्त्रित भई पल्टिएको हो।
घाइते हुनेमा महिला तथा बालबालिकाको संख्या बढी छन्। बस पल्टिएर माधव नारायण नगरपालिका ३ भेलही गाउँकी १८ वर्षीया नेहा गिरीको मृत्यु भएको प्रहरीले जनाएको छ। गिरीको घटनास्थलमै मृत्यु भएको प्रहरीको भनाइ छ।
दुर्घटना भएको बसमा १५ देखि २० जना सबार रहेका थिए। दुर्घटना भएको बसका चालक फरार भएका छन्। फरार चालकको खोजी भइरहेको प्रहरीले जनाएको छ।
पुरानो बसलाई तीव्र गतिमा कुदाएका कारण अनियन्त्रित भएको हुनसक्ने स्थानीयको अनुमान छ।
