चर्च ब्वाइजको शानदार जित, संकटामाथि ५–२ को विजय

काठमाण्डौ, ५ फागुन । राष्ट्रिय लिग फुटबलअन्तर्गत भएको खेलमा चर्च ब्वाइज युनाइटेड ले संकटा क्लब लाई ५–२ गोलले पराजित गरेको छ ।

सातदोबाटोस्थित एन्फा कम्प्लेक्स मा भएको खेलमा चर्च ब्वाइजले सुरुदेखि नै आक्रामक खेल प्रदर्शन गर्दै सहज जित निकालेको हो ।यस जितसँगै चर्च ब्वाइजले ११ खेलमा आठौं जित हासिल गर्दै शीर्ष स्थानमा रहेका मछिन्द्र एफसी र एपीएफ एफसी सँग अंक बराबरी गरेको छ ।

चर्च ब्वाइजका लागि सुमित श्रेष्ठले दुई गोल गर्दा रोहन कार्की र मिलन राईले एक–एक गोल गरे । खेलको ६०औं मिनेटमा मिलन राईले गोल गर्दै टोलीको अग्रता ३–० बनाएका थिए ।

संकटा क्लबका लागि विवेक राई र रिचर्ड ओनयमाले एक–एक गोल फर्काए पनि हार टार्न सकेनन् । यसैबीच, अर्को खेलमा फ्रेण्ड्स क्लब र जावलाखेल युथ क्लब ले १–१ गोलको बराबरी खेल्दै अंक बाँडेका छन् ।