- २९ श्रावण २०८३, शुक्रबार / Aug 14, 2026
काठमाण्डौ, ५ फागुन । चुनावमा पराजयपछि नेपाली कांग्रेसका सभापति गगन थापा ले पदबाट राजीनामा दिनुभएको छ । उहाँले पार्टी उपसभापति विश्वप्रकाश शर्मा लाई राजीनामा बुझाउनुभएको भए पनि पार्टीले यसबारे औपचारिक पुष्टि भने गरेको छैन ।
सभापति थापाको राजीनामासँगै चुनावी परिणामको समीक्षा गर्ने विषय भोलि बस्ने पार्टीको केन्द्रीय कार्यसमिति बैठकमा उठ्ने बताइएको छ । थापा गएको पुस २७ देखि ३० गतेसम्म काठमाण्डौको भृकुटीमण्डप मा सम्पन्न विशेष महाधिवेशनबाट सभापति चयन हुनुभएको थियो । तर हालै सम्पन्न प्रतिनिधिसभा निर्वाचनमा सर्लाही–४ बाट उम्मेदवारी दिएका थापा पराजित हुनुभएको थियो ।
पार्टी र व्यक्तिगत रूपमा समेत चुनावमा पराजय भोगेपछि थापाले केही दिनअघि देखि नै राजीनामा दिने तयारी गरिरहनुभएको थियो ।भोलि बस्ने केन्द्रीय कार्यसमिति बैठकले थापाको राजीनामाबारे औपचारिक निर्णय गर्ने बताइएको छ ।
बैठकमा चुनावको परिणाम, नेतृत्वको जिम्मेवारी तथा संगठनात्मक कमीकमजोरीबारे विस्तृत समीक्षा गर्ने कांग्रेसको तयारी रहेको नेताहरूले बताएका छन् ।
