चिसोका कारण सर्लाहीका सामुदायिक तथा निजी विद्यालयहरू एक हप्ताका लागि बन्द

सर्लाही । सर्लाहीका सामुदायिक तथा निजी विद्यालयहरू एक हप्ताका लागि बन्द गरिएका छन् । सर्लाहीको चन्द्रनगर गाउँपालिका भित्रका विद्यालयहरु चिसोका कारण एक हप्ताका लागि बन्द गरिएको हो ।

स्थानीय प्रशासनले यस अवधिमा चिसोको असरबाट सुरक्षित रहन विद्यार्थी र अभिभावकलाई सतर्कता अपनाउन आग्रह गरेको छ ।
चिसोबाट विद्यार्थीहरूको स्वास्थ्यमा पर्न सक्ने प्रभावलाई ध्यानमा राख्दै सात दिनका लागि विदा दिइएको जनाइएको छ ।

शितलहरसंगै अत्यधिक चिसो बढेकाले पालिकाले पुस १८ देखि पुस २४ गतेसम्म विद्यालयहरू बन्द गर्ने निर्णय गरेको हो ।