- २५ फाल्गुन २०८२, सोमबार / Mar 9, 2026
काठमाण्डौ । पूर्वी तराईका विभिन्न जिल्लामा गएरातिदेखि नै लगातार वर्षा भइरहेको छ। मोरङ, सप्तरी, सिरहा, उदयपुर, धनुषा, सर्लाही, बारा र सिन्धुलीलगायत क्षेत्रमा मेघगर्जन र चट्याङसहित पानी परेको मौसम पूर्वानुमान महाशाखाले जनाएको छ।
महाशाखाका अनुसार दिउँसो काठमाण्डौ उपत्यकासहित देशका अन्य भूभागमा पनि वर्षा हुने सम्भावना रहेको छ। हाल देशभर सक्रिय वर्षा प्रणालीको मुख्य कारण पश्चिमी वायु, स्थानीय प्रणाली, र बङ्गालको खाडीबाट भित्रिएको जलवाष्पयुक्त हावाको संयुक्त प्रभाव हो।
मौसमविद्हरूका अनुसार अहिलेको समय प्रि–मनसुन भएकाले चट्याङ, हावाहुरीसहित हल्कादेखि मध्यम खालको वर्षा केही दिनसम्म देशभर जारी रहनेछ।
साथै, आकस्मिक मौसम परिवर्तन र जोखिम सम्भावनालाई ध्यानमा राख्दै सतर्कता अपनाउन र अत्यावश्यक नपरेसम्म घरबाहिर ननिस्कन सुझाव दिइएको छ।
