दाङको घोराहीमा एक दम्पतीको नाक काटिदिएको आरोपमा एक जना पक्राउ

काठमाडौं । नेकपा बहुमतका जिल्ला सेक्रेटरी अमर खड्का पक्राउ परेका छन्। दाङको घोराहीको एक दम्पतीको नाक काटिदिएको आरोपमा उनी पक्राउ परेका हुन ।

उनलाई नियन्त्रणमा राखी थप अनुसन्धान गरिरहेको प्रहरीले जनाएको छ । घोराही उमहानगरपालिका–१५, बीपी चोक निवासी ५८ वर्षीय धर्मबहादुर बस्नेत र उनकी श्रीमती ५७ वर्षीया माधवा बस्नेतलाई गत मंसिर ६ गते घोराही–१५, ओमशान्ति टोलस्थित सडकमा हिँडिरहेको बेला नाकमा धारिलो हतियार प्रहार गरी घाइते बनाइएको थियो।

उक्त घटनापछि फरार रहेका खड्काविरुद्ध सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुरमा जिल्ला प्रशासन कार्यालयबाट पक्राउ अनुमति लिई खोजी गरिरहेकोमा उनलाई घोराही–१९ बाट पक्राउ गरिएको दाङ प्रहरीले जनाएको छ ।