- ६ भाद्र २०८३, शनिबार / Aug 22, 2026
बारा । सिम्रौनगढमा विषाक्त खानाको कारण एकै परिवारका तीनजना बालबालिकाको मृत्यु भएको छ । झवानी टोल निवासी नरेश रामका तीनजना छोराछोरीको विषाक्त खानाको कारण मृत्यु भएको जिल्ला प्रहरी कार्यालय बाराका डीएसपी प्रकाश सापकोटाले बताए ।
घर नजिकैको पोखरीबाट ल्याएको माछासँग भात खाएर सुतेका उनीहरु शनिबार राति सिकिस्त बिरामी भएपछि अस्पताल लगिएको थियो । सोमबार उपचारको क्रममा उनीहरुको मृत्यु भएको हो । मृत्यु हुनेमा ९ वर्षीया लालिमा, ७ वर्षीया पुष्पा र ५ वर्षीय कृष्णनन्दन राम छन्।
कित्सकहरुले उनीहरुको मृत्यु फुड प्वाइजनबाट भएको बताएका छन् । इलाका प्रहरी कार्यालय सिम्रौनगढका प्रहरी निरीक्षक नवीन राईको नेतृत्वमा प्रहरीले घटनाको अनुसन्धान गरिरहेको बताए ।
