बैतडीमा ३ दिनदेखि बेपत्ता पुरूषको शव खोलामा भेटियो, हत्याको आशंका

काठमाडौं । बैतडीमा ३ दिनदेखि बेपत्ता पुरूषको शव खोलामा भेटिएको छ । असार १ गतेदेखि बेपत्ता भएका पाटन नगरपालिका ६ का ५१ वर्षीय वीरभानसिंह बिष्टको शव मेलतडास्थित घाङल खोलामा भेटिएको जिल्ला प्रहरी कार्यालयका प्रमुख प्रहरी नायब उपरीक्षक(डीएसपी) दिपक गिरीले बताए ।

डीएसपी गिरीका अनुसार बिष्टको शव खोलामा प्लाष्टिकले बेरेको अवस्थामा शव भेटिएको हो । बिष्टको हत्या गरी खोलामा फालिएको आशंका गरिएको छ ।बिष्टको हत्या आरोपमा पाटन नगरपालिका ६ कै भागरथी बिष्टलाई इलाका प्रहरी कार्यालय पाटनले पक्राउ गरेको छ ।

मृतकका परिवारले यसअघि नै बिष्टले बेपत्ता पारेको भन्दै इलाका प्रहरी कार्यालयमा उजुरी दिएका थिए ।