खोलाले बगाउँदा एक जनाको मृत्यु

काठमाडौं । रुकुम पश्चिमको आठबिसकोट नगरपालिका–१२ मा खोलाले बगाउँदा एक जनाको मृत्यु भएको छ। सिलागाउँका ५५ वर्षीय चन्द्रे पुनलाई बिहीबार खोलाले बगाउँदा उनको मृत्यु भएको हो । काफचौर तर्ने क्रममा खोलाले बगाउँदा पुनको मृत्यु भएको इलाका प्रहरी कार्यालय आठबिसकोटका प्रहरी निरीक्षक नविन मरासिनीले जानकारी दिए।

उनको शव ढुङ्गा र माटोले पुरिएको अवस्थामा फेला परेको छ । यसअघि सोमबार राति आएको बाढीले सोही वडाको झिनचौरमा तीन बालिकाको मृत्यु भएको थियो । खोलाले बगाउँदा एक जना अझै बेपत्ता छन् ।