सिरहामा पोखरीमा डुबेर दुईजना बालकको मृत्यु

काठमाडौं । सिरहामा ग्राभेल उत्खनन गरेको पोखरीमा डुबेर दुईजना बालकको मृत्यु भएको छ ।​ नरहा गाउँ पालिका ३ खोरियाटोल नजिकै ग्राभेल मफियाहरूले जथाभावी उत्खनन गरेको पोखरीमा डुबेर स्थानीय शुशील मण्डलको छोरा ६ वर्षीय राहुल मण्डल शुशीलकै भान्जा करिब ८ वर्षीय आशिष मण्डलको मृत्यु भएको हो ।

सोमबार करिब ११ बजेबाट हराइरहेका दुबै बालकको प्रहरीको सहयोगमा राती अबेरसम्म खोजतलास गर्दा पनि फेला नपरेका इलाका प्रहरी कार्यालय मिर्चैयाले जनाएको छ।

आज बिहान गाउँकै एक जना खेत खन्न गएको बेला कसहाबाला भन्ने बसन्त यादवको पोखरीमा शव तैरिरहेको अवस्थामा देखेपछि प्रहरीलाई खबर गरेको इलाका प्रहरी कार्यालय मिर्चैयाका प्रमुख डीएसपी पञ्चकुमार बाखुले बताए।