पोखरीमा डुबेर तीन बालकको मृत्यु

धनुषा । पोखरीमा डुबेर तीनजना बालकको मृत्यु भएको छ । लक्ष्मीनिया गाउँपालिका ७ मा रहेको पोखरीमा बुधबार साँझ तीन बालक डुबेको इलाका प्रहरी कार्यालय सखुवा महेन्द्रनगरका प्रहरी निरीक्षक सोनुकुमार साहले बताए ।

मृत्यु हुनेमा अन्दाजी १० वर्षीय आदित्यकुमार साह, अन्दाजी ८ वर्षीय आयुश साह र १४ वर्षीय सुशान्त साह रहेका छन् । उनीहरु आफन्त हजुरबुबा महावीर साहको घरमा भोज खान आएका थिए । बुधबार महावीर साहको घरमा वर्षीको भोज थियो ।

डुब्ने बालकहरु महावीर साहका तीन छोरीका जेठा छोराहरु रहेको प्रहरी निरीक्षक साहले बताए ।